La Radunanza Generèla

En vender ai 10 de mèrz vegn chiamà ite la Radunanza Generèla de l’Union di Ladins de Fascia. La scontrèda la é en program da les 16:30 te Sala Heilmann del Museo Ladin de Fascia a Sèn Jan.

Al orden del dì l é la prejentazion, discuscion e aproazion del nef Statut de la sociazion. L President Fernando Brunel portarà dant sia relazion e vegnarà prejentà l’atività e l bilanz del an 2022. La Radunanza se serarà su coi intervents e la propostes de duc i sozi e la scontrèda sarà viventèda da na cornisc de musega e n bon marendel.

Vegnarà prejentà en antepruma l filmat ‘Tita Pederiva Batiston’.

Te chesta ocajion vegnarà portà dant en antepruma na pèrt del filmat ‘Tita Pederiva Batiston’ sui stii e di temes del zipiador da Soraga stat protagonist de na mostra endrezèda de november da la sociazion col Comun de Soraga. Duc i sozi é envié a tor pèrt per cognoscer e viventèr la sociazion!

Fac

Tel chèder de la Radunanza chest an no vegnarà più dat fora l Almanach, ampò en super-antepruma vegn prejentà l projet artistich ‘Fac’, endrezà en colaborazion con Ismaele Soraperra. La proponeta da man del joen artist da Cianacei la é ruèda acà pecia setemènes tel Consei de l’Union che à tout su con gran enteres sie projet.

‘Fac’ ne compagnarà fora per dut l an 2023 ne sporjan reflescions e discuscions en cont de chel che suzede.