Radunanza de l'Union e prejentazion Nosta spëisa

En mercol ai 18 de mèrz da les 16:00 duta la comunanza de Fascia é envièda de cher a la Radunanza de l’Union di Ladins de Fascia ló dal Hotel Rizzi de Salin a Pera.

Na ocajion per descorir l’ativitèdes e la scomenzadives che é states fates via per l 2025 e cheles che l’Union se met dant de fèr per l 2026 col soul zil de rencurèr e renforzèr nosc lengaz e noscia cultura. Anter la tanta ativitèdes, recordon la publicazions edites da l’Union, la atività radiofonica, i corsc per la jent desche Depenjer a la fascèna e chel de Acherle, l tor pèrt a l’Aisciuda Ladina, i tutorial de Saeres, la raides, la ativitèdes interladines, la Festa del Rengraziament e, ben segur, l cedean dut toron di 70 egn de la fondazion de l’Union (1955)! Amò apede de l’Union de Fascia fèsc pèrt ence l Grop Ladin da Moena, na sociazion che da passa 60 egn tegn su e stravèrda l ladin, e che envion a fèr festa con nos!

A endeletèr la scontrèda sarà la prejentazion del liber de Anneliese Paratoni Nosta spëisa con laite rezetes de duta la valèdes ladines. Apede a la rezetes l é da veder de bela fotografies, fates da Alexander Demetz sui lesc de Paratoni a Santa Cristina e Alfarëi a Badia. L liber é scrit per gherdener, talian, todesch e engleis.

L domarena sarà viventà da mingol de musega col orghen de Stefano Ganz e da na cercia de marendel ladin.

La Union di Ladins de Fascia e la Union di Ladins de Gherdëina ve envia de cher a tor pèrt!

Cianton de l’Union