Conscric, seconda edizion!

Chest’outa l’Union di Ladins se ouc endodanef ai conscric, a chi che festejarà l travert emportant di 18 egn. La sociazion, ensema al Pian Joegn La Risola, se à pissà a na scomenzadiva fora de anter. Vegn chiamà ite i fenc e la touses del 2008 con chela de ge fèr cognoscer i ric e la tecniches per poder realisèr enstesc i elemenc più emportanc de chesta tradizion amò feruscola te Fascia: l ciapel e l gramièl personalisé.

Vegnarà endrezà n laboratorie artistich-creatif olache i podarà emparèr a fornir su l ciapel con fiores e vetes e a decorèr l gramièl brun col didament de la esperta dessegnadora Letizia Soldà.

No ve resta auter che ve scriver ite a la scomenzadiva che vegnarà endrezèda te Ciasa de la Moniaria a Sèn Jan. Per aer maor informazions e se scriver ite se pel scriver su whatsapp al 347/4937726, o se nó ge domanèr ence a Eleonora Daprai (331/9356391) o a Marianne Weiss (370/1331843). L cost de enscinuazion l é de €25 a persona che tol ite gramièl e ciapel.