Tal pae, Aldo

Con Aldo da Pont l é se n jit n auter de chi omegn che, zenza ac ma con sinzierità e convinzion, à lurà per la causa ladina.

De El voi recordar soraldut i egn entorn al 1980, canche sun sot cuert de ciasa dal Garber l’Union di Ladins aea endrezà via le trasmiscion de “Radio Ladina”.

L era tempes de gran struscie finanziarie per l’Union, e olà che ence i volontadives no i era mai de massa.

Ma Aldo che l se aea tout su la part tecnica per l bon funzionament de chele pece e purete art che aane, l me é stat vejin dal prum al ultim dì, con na disponibilità umola ma gaerta, e zenza dar mai n sen de fadia o de sfiduzia.

E l é stat apontin te chela ocajion che é podùà cognoscer e aprijiar Aldo da Pont, so carater franch e sinzier, soa colaborazion scognosciuda ma concreta, e capir che i ladins te El aessa troà semper n amich segur e fideil.

E anché, te chesta ora scura de manconia, a inom de l’Union di Ladins e mie personal voi ge dir a Aldo da Pont, tel modo semplize e nemich de ogni retorica che fajea part de sor far, ma con autertanta concreteza e sinzierità: tal pae, Aldo, e de dut cher.

Danilo dal Garber, La Usc di Ladins n. 42, ai 18 de november del 1995