Che liber él chest chiò? Na publicazion scrita e pissèda per bec e joegn! La é stata traslatèda dal talian: l original, edit Il Castoro, l é stat scrit da doi di miores autores taliegn per bec di ultimes egn.

50 aventures da descorir ensema coi amisc, demò per i veri valorousc (con consees de letura e picola encèries da ge fèr front). Da fèr defora a l’aria averta, daite te n dì de pievia, d’invern co la neif, al mèr su la spiagia. De dì e de net, chest diarie l no ve lasciarà pussèr e l ve fajarà descorir l mondo tras i eies de l’aventura. Este vertech a tor su l’endesfida?

Cor, sauta, sluzia, rampineete, sconete, descour, enventa, fa su, peissa, scrif, ensomeete…

Traduzion: Nicoletta Riz (con revijion de Monica Cigolla, Cristina Marchetti, Nives Iori)

Autores: Pierdomanico Baccalario, Tommaso Percivale. Dessegnes: AntonGionata Ferrari. Credic complec tel liber.

Editor: Union di Ladins de Fascia, sul Pian de politica linguistica 2023 del Comun general de Fascia

Che él chest bater do e do tel bosch? L picol becalegn à n gran bel da fèr a zipièr fora sia coa. Deidelo ence tu a bater!

L prum liber interladin con n modul sonor ecologich e sostegnibol. La publicazion é pissèda per bec dai 6 meisc enscin ai 6 egn. I colores cernui é chiec per relassèr e se leèr al chiet e a la pegraa de la natura.

Storia: Anna Laimer, Melissa Locatin

Dessegnes: Johanna Kostner - Layout: Johanna Kostner, Isabella Mussner

Editor: Union di Ladins de Fascia - Uniun Ladins Val Badia

Chest volum l tol ite i scric ladins de Berto de la Diomira componui anter l 1964 e l 1976, che i é stac publiché su Nosha Jent, l boletin del Grop Ladin da Moena. Se trata de curta stories e recorc del passà, descrizions de atività e usanzes de la vita tradizionèla, e no da chièr reflescions sul encresciadujum, desche canche l Autor l é obligà a viver dalonc dal sie paisc.

Autor: Alberto Sommavilla

Editor: Grop Ladin da Moena

Respet ai classics diaries de vera, te Vita da Soldà vegn contà dai fies la vita de Giuseppe Pettena. Publichèda te n ladin moenat rich de esprescions naturèles con apede ju la traduzion talièna, la descrizion scomenza da la chiamèda a la vera tel 1915 e fenida con la desfata del Imper e l retorn en patria, con ence, te anter i fac, de autra curta conties, da olache vegn fora l fon padiment de la popolazion.

Autor: Felicina e Giacomo Pettena

Editor: Grop Ladin da Moena

Regoeta de testimonianzes su fenomegn di parapsicologia, che veit desche protagonista e informador Luigi Piccoljori da Dèlba (Gige de la Zeli da Dèlba) e la mère. I curc toc, do componui en forma scrita del 1973 da la femena Veronica, i é leé ai segnèi, i presagi leé a desgrazies o a la mort, desche la Cùgola, la Gocia, l Punchie, la Mort che grigna, la Bèra e l Martel.

Autor: Veronika Zanoner Piccoliori

Editor: Grop Ladin da Moena

La publicazion compagna la mostra dedichèda a Tita Pederiva a 30 egn da sia departida.

L era debesegn che Tita Pederiva vegne recordà, te chisc tempes da la “memoria curta”, olache dut vegn desmentià te n medeat, e olache l profit e l belfestidech à la soramessa sui valores più fogn de l’umanità. L é ben vera che n artist “l seghita a viver te sia operes”, ma ge vel pa ence che zachei rencure e valorisee chesta arpejon, che à da jir inant tel temp al ben de la generazions che vegn do ca. Vegn documentà no demò l percors del artist, ma soraldut la dimenscion più intima del om, sia ènema jentila e sensibola, n om che à sapù responer co l’èrt a la endesfides de la vita.

A cura de: Fernando Brunel

Editor: Union di Ladins de Fascia

ISBN: 978-88-942835-5-7

Chest liber l é l’opera pruma de n joen scritor che pesćia de pien da la tradizion per contèr del dì d’anché, e che se mesura zenza bazilèr co la gran arpejon del passà per portèr dant na riflescion sotila sul raport anter la generazions tedant dal jir del Temp.

Autor: Armin Chiocchetti

Editor: Union di Ladins de Fascia, Grop Ladin da Moena e Istitut Cultural Ladin