Diesc pìcola contìes scrites e dessegnèdes da Maria Teresa Fanton Crepaz da Poza, ensegnanta de todesch en penscion. Stories dassen gustégoles, per pìcoi e per gregn, leèdes al temp de Nadèl ma che à ite ence valores universèi e da inchecondì, che va sorafora la festa religiousa. Enjontà al liber l'é ence n Cd co la contìes letes jù a più oujes. Anter Angiolino e Salvatore l letor, ben segur, no l farà fadìa a restèr maraveà...

Autore: Maria Teresa Fanton Crepaz

L'opera classica per bec de Carlo Lorenzini - Collodi la é stata traslatèda te sacontenc lengac e zacan ence per ladin. L'é na publicazion fata co la colaborazion de desvalives enc: l Comun General de Fascia, l'Union di Ladins de Fascia, l'Istitut Cultural Ladin Micurà de Rü (per la traduzion per gherdener e per badiot) e de l'Istitut Cultural Ladin Cèsa de Jan (per la traduzion per fodom).

Traduzions: Sara Merighi e Donatella Dellagiacoma

Regoeta de tòc de cianties ladines, de la grana e veiora tradizion fascèna de la mùsega da stua, soravivuda enscin anchecondì de gra a la trasmiscion a ousc. Mùseghes da sonèr te ocajions de festa, a na noza o coi coscric o da sera te stua o te vèlch ostarìa, co l’òrghen da mantech, la zitra, la vìdola o la chiatara, per se goder e stèr ensema descheche i fajea jai egn.

A cura de: Fabio Chiocchetti del Goti

Naines, rimes, cianties e mùseghes d'aldidanché. Tesć e notes.

Autor: AA.VV.

Naines, rimes, cianties e mùseghes d'aldidanché. Materièl didatich per emparèr e ensegnèr l ladin fascian.

Autor: AA.VV.

Artist ecletich, l’autor é tel medemo temp pitor, scritor e poet, e l sperimenta per ladin l conzet de poejìa virtuala. Ence te chesta neva silloge l troa fora neva soluzions espressives per la poejìa ladina che rejona soraldut de amor vedù te infinides sfumadures.

Autor: Soraperra Claus

Regoeta de orazions per ladin: vegn traslatà la orazions più cognosciudes e ence vèlch salm e amò apede vegn tout endò cà orazions de la tradizion populèra del post.

Autor: AA.VV

Noscia storia é segnèda da la Comunità de Fascia, na istituzion nasciuda e cresciuda te na sozietà olache l'era fort l conzet de leam: col passà e la storia, co la veia usitèdes e tradizions, con sia tera e anter sia jent. Fideltà a sia reijes, defendura de si deric, sentiment de partegnuda e solidarietà l'é i pilestres de secoi de storia. Na storia che ades ne veit protagonisć.

Autor: Lucia Gross e Cesare Bernard

Dessegnes: Manuel Riz