“Gio ve voi ben colores da la sera, empeade tal cher l’amor de mia tera...”

Chesta pruma paroles de la ciantia “Colores de mia tera”, che dèsc l titol a chesta regoeta de cianzons per ladin, fèsc entener delvers l spirit che à portà l’Union di Ladins de Fascia a voler meter a la leta de duc i cores de noscia val i tesć e la musega de chesta cianties ladines, toutes fora per la maor pèrt dal repertorie del cor “Ousc Ladine” da Soraga.

Autores: AA.VV

I depenc che se troa te chest liber somea dalbon imprescions o sensazions de l'artist dedant a la grana e superba natura de sia tera. Brunel (Soraga, 1948) l doura desvaliva tecniches, dai colores a èga, a chi a elech, a la temperes. L’artist l depenc con n stel ló che l color vegn metù jù a taces, con forc contrasć e vigni depent é compagnà dai scric, en prosa o en poejìa, de desvalives autores ladins.

Autor: Brunel Fernando

L’é n viac intimist ti troes de l’ènema sensibola e piena de amor de l’autor. Amor per la vita e ence per la tera ladina, n amor contà sotousc, te n bel acort che contrasta col biteboi de anchecondì... ló che no se sin veit mai assà. “Se te n’outa demò fossane bogn de esser, de viver, sentir, scutèr, lejer tel fon de chel che la Natura à scrit de sé enstessa con letres de òr, de Amor te noetres...”

Autor: Stefen Dell’Antonio Monech

Regoeta de contìes fantastiches per bec, olache realtà e fantajìa se encroja a na vida da portèr l letor te na dimenjion perturbanta.

Autora: Sofia Brigadoi

Traduzion: Alberta Rossi e Rosanna March

Contìa mitologica-fantastica. Con chest pìcol liber l’Istitut Cultural Ladin, en colaborazion co l’Union di Ladins de Fascia, inauda la neva colèna de libres de contìes “L Dragonzel”, dedichèda a la letradura ladina d’aldidanché. L’autor, Piere dal Polver (nesciugn sà dalbon chi che sie), l conta a na vida pizochenta e direta la vera storia de sie amich, l Drach Maht-urg, fort ma valent, sìmbol de l’onestà, de la giustizia e del respet per la natura.

Autor: Piere dal Polver

An 1532: na lingia de evenc misteriousc e de morts ariciouses met sotessora l convent di frati franzeschegn de la zità di Chambéry, olache, te la Sainte Chapelle, vegn conservà da passa 50 egn la Sènta Sindone. N frate, ruà aló ensema a l’armèda vegnuda de retorn da la crojèda contra i eretics valdeisc, l scomenza a cerir e enrescir fora, fin a descorir l’aricegol secret che se scon tedò la terìbola rodèna de oror, perdizion e sanch, che fona sia reijes te culc veiores e misteriousc.

Autor: Andrea Robbiani - Marco Scandolaro

Traduzion: Nadia Valeruz

Storia e cronaca de na tradizion e de na lejenda ladina: chest l’é l tìtol de na enrescida che Toni e Margrit cogn consegnèr a la fin del trimestre. Ma chi él che sà zeche en cont de lejendes? I doi a la fin i troa na gran bela soluzion, ma no i sà che colassù, ite per anter l bosch sorassù l paìsc, l’é zachei che ge cor dò...

Autor: Beatrice Masini

Traduzion: Lucia Gross