L’Union di Ladins endreza na raida vin Fedom
Do da la Festa del Rengraziament, l’Union porta dant na neva scomenzadiva da d’uton: na raida vin Fedom a veder l Ciastel e l molin de Andrac.
La raida era jà stata endrezèda chest’aisciuda passèda ma i Trei Popes de giacia con sie tempram freit se aea metù de contra e donca l’Union à pissà de proèr a la proponer endodanef: en sabeda ai 24 de otober se pontarà via da Fascia per jir a descorir n lech zis enteressant de noscia Ladinia.
L program perveit la vijita vidèda al Ciastel e al molin de Andrac e la marena al restorant del Refuge Valparola con na veduda da marevea.
L priesc é de € 37,00 (€ 32,00 per i sozi) per chi che jirà via con sie auto e tol ite la vijites e la marena (l beiver enveze l va paà a pèrt); per chi che enveze jirà col pulmin endrezà da l’Union l priesc é de € 55,00 (€ 50,00 per i sozi).
Podede ve enscinuèr ite telefonan al numer 0462 764545 o tras Whatsapp al numer 349 5291044; ve domanon de segnalèr alergies o intoleranzes.