Fèr l ort

L cors, endrezà tel chèder de l'Aisciuda Ladina, vegn portà dant con na sera de prejentazion ai 2 de mé da les 20.30 a Sèn Jan te Ciasa de la Moniaria, olache Sebastian rejonarà de desvalives aspec che revèrda l enjignèr l ort e la coltivazion di ortames con aprofondimenc ence su co cutèr la tera, vardèr l temp e tecniches per aer n bel ort che garate.
En vender vegnarà portà dant ence l libret de la regoeta "Entener e se fèr entener", dat fora dal Comun General de Fascia.

Dapò l é pervedù dotrei scontrèdes via per de mé ló dal Agritur Soreie de Sebastian te Strada Soverei a Sèn Jan. I dis del cors i vegnarà dezidui aldò del temp metereologich.

L cost l é de 20 euro, enveze per i sozi de l’Union l é de 15 euro.

Se pel se enscinuèr ite en chela sera de la scontrèda de prejentazion o dant dai 6 de mé al 0462 764545 ence su whatsapp.