Di dla Unité Ladina

En domenia ai 13 de messèl se binarà te Fascia i raprejentanc de la istituzions ladines en ocajion del Di dla Unité Ladina endrezà da la Union Generela di Ladins dla Dolomites co la colaborazion de l’Union di La dins de Fascia, l Istitut Cultural Ladin, l Comun General e l sostegn finanzièl de la Region Trentin Südtirol.

Chest an la protagonista sarà la Ladinia te sia parbuda unitara, con la proiezion de filmac, la prejentazion del Portal Ladin web e na mostra fotografica. L program perveit de se binèr da les 15:00 te sala grana del tobià del Istitut olache, do n curt moment istituzionèl a recordèr i doi cedans di 50 egn del Istitut e di 70 egn de l’Union de Fascia, vegnarà prejentà desvalives filmac e projec che revèrda la Ladinia. L domarena sarà endeletà da la musega di Popcorner che prejentarà ence sia ciantia neves per ladin.

Da les 16:45 se se spostarà te Ciasa de la Moniaria olache te tobià e te stala vegnarà inaudà la mostra fotografica Trois de lum a cura del fotograf Massimo Bolognini che restarà averta vigni dì enscin ai 25 de messèl.

La dì se serarà su con n picol marendel e se podarà vijitèr la senta de la Union di Ladins de Fascia, la redazion de La Usc di Ladins e i ofizes di Servijes Linguistics del Comun General.