Sèn Nicolò te Fascia

Sèn Nicolò zacan l portèa caràboles, fosc vèlch mandarin e doi nojeles, vèlch da douc e se se era fortuné na capa o n pé de maneces!
Ence inchecondì Sen Nicolò deletea duc nesc piciui ma ence nos gregn. Apontin ence inchecondì, desche che comana la tradizion, Sèn Nicolò no porta n fonin, l ultim jech vedù a la tele o un computer, ma DEMÒ golosaries e magari n bel pé de bona manecia ciaudes per canche se se dèsc ciavai col stroset o se va coi schi.

Canche rua l bambin inchecondì se ciapa vèlch don più de valor apedeju l èlber. Ma l é Sèn Nicolò l Sènt che vegn dai bec! Chiò da nos l é coscita e no l é nia de più bel che ge moscèr ai ghesć coche l é da nos, ge moscèr noscia tradizions e no chela forestes.
Canche vegn zachei a ne troèr, inlouta ence ge fajon cercer vèlch de nosc!!!!

Gé, desche ogne an, te sachet checen é troà n belot krampus apede a dotrei golosaries e noujes ence de bona caràboles (ve les conseie - les é dassen bones da morir).

Bon Sèn Nicolò a dutes/duc!
Claudia Conta, ai 6 de dezember del 2025