Le crousc de na mare

Che él na mare? Che ala fat na mare da chi egn? Co ala vivù? L'à vivù de fadie e de crousc, de cruziar e prear, de lurar e far acort. Le crousc de na mare!

L amore de doi sposc l é desche na picola resa te n gran screpin. La resa la pert bele sobit color e bon udor, endana che le spine le vegn su semper più spesse.

L cher de na mare l é tant cruzià da le spine e fora ite da le più spize e longe e per chest l vegn desche sofoà e coscita la mare la cogn morir. L é le crousc che peisa sul cher de le mare; un peis tant gran che per l poder portar, le cogn se preat tanta forza dal Signoredio. Sion noetres fies che na dì do l’autra fajon pesar la crousc sul cher ede nosce mare, sion amò noetres che l foron ite co le spine del egoismo, parcheche no ge aon sapù gra de dut l ben che le ne à volù e che le ne à fat.

Fosc valgugn se n ascorc che i à abù na mare, demò canche i l’à parduda. Demò can la perdon la mare, capion che de mare n é una soula e canche jon a la cerir e proon a la chiamar pianjan ela più no la respon e cajù no sention più soa ousc. Enaluta nosc cher l à desche en cherchie de fer che l lo sofoa e sention dut l dolor de aer pardù la persona che n à volù più ben, nosc ben e no l sie, l vero ben, semper ben, dut l ben. La soula persona che ne à capì zenza nia domanar, zenza nia se spetar, se no de esser arbandonada e desmentiada.

Un fi fascian, La Veisc