facebook

Benvegnui

L’Union di Ladins de Fascia

L’Union di Ladins de Fascia l’é na sezion de l’Union Generèla di Ladins dla Dolomites.
La é nasciuda dò da la gran radunanza di ladins sun Sela del 1946, e la é stata costituida legalmenter con at del nodèr ai 19 de mé del 1955.
Aldò de l’art. 1 del Statut, la sociazion: “...se cruzia de duc i problemes e i enteresc ladins e la vèrda de descedèr fora na coscienza ladina col defener e rencurèr l comun patrimonie de rejonèda, de cultura e de folclor. ...la ge va dò a la diretives de l'Union Generèla, la chier de binèr e tegnir ensema i ladins fascegn e la laora dessema coi autres ladins dla Dolomites. ...la conscidra frèdes i ladins del Friul e di Grijons.”
Anter la ativitèdes de maor emportanza de la sociazion, apede a la publicazion de libres o CD ladins e a l’endrez e la partezipazion a manifestazions e evenc de la comunanza, l’é la gran colaborazion sporta ogne setemèna per enjignèr la piates de Fascia del sfoi “La Usc di Ladins”, che vegn dat fora te duta la valèdes de ladines entorn l Sela.
ladinoitaliano

Union di Ladins de Fascia - Strada Dolomites, 22 - 38039 Vich/Vigo di Fassa (TN) - tel. / fax +39 0462 764545 - union@ladinsdefascia.it - Privacy