L se trata de n estrat da Mondo Ladino VIII (1984) 3-4 scrit da p. Frumenzio Ghetta en ocajion del chèrt centené dal nasciment de Daniel Zen, stat vescof de Persenon. Ghetta conta tel menù e col didament de documents duta la storia del vescof a partir da sie èlber de familia per do passèr a sie studies, sia cariera te la gejia e sia ritajon. N prezious document storich scrit tel bel fascian de p. Frumenzio.
L liber à peà via da na idea de la coprativa sozièla INOUT e l’é stat scrit dai trei joegn autores (Stefano Riz, Tita Dorich e Thomas Zulian) e dat fora col finanziament del Pian de politica linguistica del CGF e l contribut del Bim Adesc. L se ouc ai bec di ultimes egn de la scola populèra e de la mesènes con 6 contìes che rejona de ambient tras la aventures de 3 protagonisć che i se troa dedant a desvaliva costions ecologiches.
Mary Jane l’é na tousa de dejesset egn che la vif a Cianacei, sun Col da Ronch, te mez a la Dolomites te un di paesajes più bie de la Tèlia e del mond. Ciapèda da la scola, da la danza e da sie morojo Francesch, la joena se enjigna a viver un di egn più segnificatives de sia vita, chel da conscrita. A la fin de un dì de scola normal, aboncont, Mary Jane la se troa fora de n bel nia serèda da ite, oblighèda a na vita de perjon anter i mures de sia cèsa: endèna la pandemìa per l Covid-19 defat, la tousa vivarà la esperienza complichèda del lockdown dessema a sia familia. Sarà piates scures e senestres, fates ampò ence da la descuerta de valores emportanc e de n spirit nef, enlongia la strèda per la neva, malsegura, ledeza.
Mary Jane è una ragazza diciassettenne che vive a Canazei, val di Fassa, circondata dalle Dolomiti in uno dei paesaggi più incantevoli dell’Italia e del mondo. Impegnata nella scuola, nella danza e con il suo ragazzo Francesco, la giovane si prepara ad affrontare un anno molto significativo della sua vita, quello della maggiore età. Dopo una delle solite giornate di scuola, tuttavia, Mary Jane si trova improvvisamente segregata in casa, obbligata a una vita di prigionia tra le mura della sua abitazione: in piena pandemia da Covid-19 infatti, la ragazza vivrà la complicata esperienza del lockdown assieme alla sua famiglia. Saranno pagine buie e difficili, condite però anche da una nuova presa di coscienza e dalla riscoperta di valori importanti sulla strada per la nuova, precaria, libertà.
Autores: Sebastiano Dorich, Valentina Ghetta, Matteo Iori, Mauro Lazzer, Alison Prinoth, Nicoletta Riz, Stefano Riz, Consuelo Tomasi, Luana Tomasi, Daniele Verra
Soracuerta: Stefano de Pinto, Ismaele Soraperra
Gùstegol libret de poejìes de Stefen Dell’Antonio Monech con apedejù i dessegnes lijieres de Sonia Cian. L se trata, desche scrif l’autor medemo, de na regoeta de “pensieres lijieres de n viajador content”, scric jù per ladin con inlongia la traduzion per talian.
Autor: Stefen Dell'Antonio con Sonia Cian
Gùstegol libret de poejìes de Stefen Dell’Antonio Monech con apedejù i dessegnes lijieres de Sonia Cian. L’autor l’à a cher la natura de l’ambient e de l’om, la massarìa e l saer da zacan.
Autor: Stefen Dell’Antonio
Chest liber conta de don Mazzel che à spenù duta sia vita per l ladin, se dajan jù te desvalives ciampes: dal folclor ai programes radiofonics, da la publicazion del bolatin “La Veisc" a l'opera fondamentèla del prum dizionèr fascian-talian.
Frut del lurier de tesi de Fernanda Favé l liber ne fèsc cognoscer più inout na persona che se à dat jù per noscia cultura e tradizions ti egn fersc, ti egn canche l'era da batalièr per aer l giust recognosciment.
Autor: Fernanda Favè
Pìcola storia de la museghes de Fascia rica de fotografìes, de informazions e de anedoc enteressanc regoec da la sociazions medemes da testimonianzes a ousc, da archivies e da etres tesć desche Mondo Ladino, Nosha Jent e Ajenda Ladina.
Editor: Union di Ladins de Fascia