L manoscrit scrit jù da Michele Croce da Moena vegn portà dant te chest liber te n bel ladin moenat con apedejù la traduzion per talian fata da so nez Francesco. I recorc de l’autor, nasciù del 1928 a Moena, revèrda sie paìsc e i é muie enteressanc e gustégoi. La pruma edizion de chel scrit é vegnuda fora su Mondo Ladino (34, 2010, pp. 203-222) con ben 37 notes junfon la piates per de schiarir fora paroles pech cognosciudes, e donca se troa ite na gran richeza lessicala.

Il manoscritto di Michele Croce di Moena, scritto in un bel ladino moenese, viene qui pubblicato sia nella lingua originale che in italiano con la traduzione del nipote Francesco. I ricordi di Moena dell’autore nato nel 1928 proprio a Moena sono ricchi e appassionanti. La prima edizione di questo scritto è stata pubblicata in Mondo Ladino (34, 2010, pp. 203-22) richiedendo ben 37 note a pié di pagina per segnalare o spiegare alcune parole poco note. Questo per sottolinearne anche la ricchezza lessicale. In questa edizione il testo è stato arricchito con alcune testimonianze.

Autor: Michele Croce

L liber “Mia pruma paroles” nef, dut da color, de gran format (cm. 30x30) e de passa 120 piates, l’é stat pissà  per envièr via i pìcoi al plurilinguism e l tol ite ben 1000 paroles, per ladin e con sia traduzion per talian, per todesch e per ingleis, dutes dessegnèdes te 60 gregn chèdres che raprejenta lesc e contesć desferenc de noscia vita.

L liber, realisà da l’Istitut Ladin Micurà de Rü e da l’Union di Ladins de la Val Badia, l’é vegnù fora ence te na verscion fascèna e l'é dat fora da l’Union di Ladins e da la Scola Ladina de Fascia, col sostegn de la Region Trentin Sudtirol e la colaborazion de l’Istitut Cultural Ladin.

Autora: Sara Moling

Dessegnes: Gabi Mutschlechner

Te la quinta edizion de l'Almanach troède la patofies de Manuel Riz sui fac più emportanc sozedui te val via per l'an. Amò apede l'é la “pìroles" e na curta biografìa de persones ladines de nonzech; chest an dapò l’é ence i ortames da meter jù te Fascia a na vida sèna. Sun chest se aon fat conseèr da l'Azienda Agricola Soreie de Sebastian Ghetta e sia familia. Te l'ùltima piates l'é ence l'oroscop.

Autores: AA.VV.

Dessegnes: Manuel Riz e Laura Sanchez Ghetta 

Te la quarta edizion de l'Almanach de l'Union di Ladins de Fascia ogne meis l'artist da Cianacei Manuel Riz à dessegnà i fac più emportanc sozedui te Fascia. Te la piates che vegn dò Marco Detomas Pantalion da Vich ne conta de la erbes de nosc raion e amò apede ence chest an l'é la curta biografìes de 12 persones de nonzech de la Ladinia e la “pìroles” del meis.

Autor: AA.VV.

Dessegnes: Manuel Riz

Te la terza edizion de l'Almanach de l'Union di Ladins de Fascia ogne meis l lapisc feruscol de Manuel Riz à ilustrà i fac più emportanc sozedui te Fascia via per l’an. Te la piates che vegn dò Alberto Chiocchetti Roch da Moena ne conta di fiores più bie e rères de noscia val; amò apede l'é la curta biografìes de 12 persones de nonzech de la Ladinia e la “pìroles” del meis.

Autor: AA.VV.

Dessegnes: Manuel Riz

Te la seconda edizion de l'Almanach de l'Union di Ladins de Fascia ogne meis l'é na patofia de Manuel Riz sui argomenc più emportanc soezedui te Fascia via per l’an. Dapò Fernando Brunel ne conta di èlbres de nosc raion e, amò apede l'é la curta biografìes de 12 persones de nonzech de la Ladinia, na dì da recordèr per ogni meis e la “pìroles” del meis.

Autor: AA.VV.

Dessegnes: Manuel Riz

Se trata de na publicazion che regoi na selezion di fac più emportanc che à caraterisà l'an 2012. Per ogne meis l'é stat cernù n argoment emportant e curious prejentà a na vida ironica e gustégola de gra ai dessegnes de Manuel Riz. Meis per mies l'é ence n pìcol promemoria di fac del 2012 e curiositèdes che pea via da noscia tradizion per viajèr fora per l mond e tel temp. Apede a chest l'é ence 12 rezetes sportes da 12 chef de noscia val. Per fenir l'é l Zodiach, con descrizion e la carateristiches de ogne segn. La grafica la é de Stefano Davarda.

Autore: AA.VV.

Disegni: Manuel Riz